Tárin virkuðu

Þetta er orðið æsispennandi prófkjör og því er greinilega hvergi nærri lokið.  Þessi úrslit í New Hampshire gætu þýtt að úrslitin verði ekki ljós fyrr en talin hafa verið öll atkvæði í öllum fylkjum. 

Ég get alveg trúað því að álagið við að taka þátt í þessu sé gríðarlegt og sérstaklega fyrir Hillary sem stóð með pálmann í höndunum og næstum viss um sigur þegar allt í einu virtist sem Barack Obama ætlaði að hrifsa af henni sigurinn á lokasprettinum.  En ekki átti ég von á því að þessi járnfrú, sem í gegnum niðurlægjandi framhjáhald manns síns auk allra þeirra krefjandi verkefna sem þau hjónin hafa tekist á við sl. áratugi, myndi spila út konuspilinu og bugast í beinni útsendingu.  Hjá fólki eins og þessu er ekkert sem heitir að bugast og tilviljanir eru ekki inni í myndinni, þá væri hún ekki komin á þennann stað í lífinu.  Ég leyfi mér því að halda því fram að þetta sé allt partur af leikritinu sem nú fer fram í Bandaríkjunum.  Stjórnmál eru stundum ekkert annað en leikrit, spunaleikrit.   Skemmtanagildið er ótvírætt fyrir þá sem hafa gaman af þessari tegund af leikritum.

Clinton vann í New Hampshire

Athugasemdir

[Gullvagninn (IP-tala skráð) 9.1.2008 kl. 11:55]

Þú ert efnilegur stjórnmálanemi.  Vonandi ferðu ekki í stjórnmálin, heldur í að rífa niður grímuna af þessum dauðakauðum.

[Örvar Már Marteinsson, 10.1.2008 kl. 09:09]

Það vantaði bara Alfreð Þorsteins til að snýta henni í jakkafötin.

[Helena Mjöll Jóhannsdóttir, 14.1.2008 kl. 01:08]

Sæl frænka! Ertu að tapa þér í þessu? Já það er drama í þessu öllu svo ekki sé meira sagt. Kveðja Hmj.