Framúrskarandi stjórnmálamaður

Framboðsræða Þorgerðar Katrínar til varaformanns á landsfundi Sjálfstæðisflokksins á laugardaginn var besta ræða íslensk stjórnmálamanns sem ég hef nokkru sinni heyrt.

Það hefði mátt heyra saumnál detta í salnum meðan Þorgerður flutti mál sitt og víða sáust tár á hvörmum.  Eftir ræðuna var staðið upp fyrir Þorgerði, klappað, brosað og blístrað.  Hún hreinsaði út í öll horn og út úr öllum skápum í þessari ræðu.  Þorgerður er einlæg, hlý, fluggreind, heiðarleg, dugleg og kraftmikil kona.  Hún sýndi það og sannaði einu sinni enn að hún er einstakur stjórnmálamaður og að mínu mati sá besti sem Ísland á. 

Þorgerður Katrín ræðumaður landsfundar

Athugasemdir

[Ómar Sigurðsson (IP-tala skráð) 30.3.2009 kl. 21:38]

Ég get tekið undir hvert orð hjá þér. Þetta var glæsilegasta og innilegasta ræða sem ég hef heyrt stjórnmálamann flytja.

[Haraldur Pálsson, 30.3.2009 kl. 21:55]

satt

[Málefnalegur (IP-tala skráð) 30.3.2009 kl. 22:44]

Afar sérkennilegt að Kaupþingsbankastjórafrúin skuli fá stuðning landsfundar til að halda áfram á sinni vegferð. Í Englandi situr innanríkisráðherra í gíslingu fréttamanna vegna 20punda vídeóreiknings sem hún lét þingið borga fyrir sig. Hér á landi er (fyrrum) menntamálaráðherra hafin upp til skýjanna á meðan þjóðin borgar milljarða reikninga óreiðumannanna sem eiginmaður hennar þjónaði. Ræðumennska verður aldrei mælikvarði á trúverðugleika.

[Haraldur Pálsson, 30.3.2009 kl. 22:58]

Lágmark fyrir þig að koma fram undir nafni ef það á að vera hægt að taka þig trúverðugan.

En ef þú hefðir hlustað á ræðuna áður en þú tjáðir þig um þetta þá værir þú vísari um skýringar þessa máls.

Legg til að þú sjáir ræðuna og tjáir þig undir nafni.

Slóðin á ræðuna er hér:

http://wms0a.straumar.is/xd/VaraformannskjorTHKG.wmv

[Jón Baldur Lorange, 31.3.2009 kl. 13:28]

Sammála þér Sigurlaug Anna. Þorgerður Katrín talaði frá hjartanu eins og hún gerir yfirleitt. Fólk kanna að meta hreinskilni og einlægni.