Páskaprédikun biskups

Það var merkilegt að sjá uppröðun fréttatímanna á sjónvarpsstöðvunum í gærkvöldi þar sem fyrsta frétt í báðum tilvikum var af pólska glæpagenginu sem réðist á landa sína í Breiðholtinu.  Næsta frétt á Rúv var af ræðu biskupsins okkar þar sem hann varaði við aukinni  tortryggni og kynþáttafordómum.  Þessi uppsetning var dálítið kaldhæðnisleg.  Stöð 2 fjallaði um ræðu biskups aftar í fréttatímanum og var fyrirsögnin: sjálfselska og græðgi, en svo fjallað um að biskupinn hafi sagt að samfélag okkar væri undirlagt af eigingirni og sjálfselsku og upptekið af dýrkun græðgisfýsnar.

Ég er svosem sammála biskupinum um það að í samfélagi okkar er mikið af eigingirni og sjálfselsku... en hvort samfélagið sé undirlagt af því finnst mér full djúpt til orða tekið.  Ég velti því fyrir mér hvort við séum ekki með frekar neikvæðan biskup sem mætti alveg vera umburðarlyndari og elskulegri....

Varðandi innflytjendamál held ég frekar að verið sé að fela vandann sem augljóslega er til staðar.  Það er bara staðreynd að hlutfallslega hefur mikið af þeim innflytjendum sem hingað hafa komið lent upp á kant við íslensk lög og engum er greiði gerður með því að við höldum áfram að prédika um að við eigum ekki að ala á kynþáttafordómum.  Þetta eru engir kynþáttafordómar heldur raunverulegur vandi sem samfélaginu okkar stafar hætta af.

Pólsk glæpagengi herja á aðra Pólverja hér

Athugasemdir

[Boggi (IP-tala skráð) 24.3.2008 kl. 13:17]

Sammála þér í öllu sem þú segir. Jákvæðari biskup takk fyrir og ég hef áhyggjur af öllum þessum glæpum sem tengast glæpaklíkum hérna.

[Linda (IP-tala skráð) 24.3.2008 kl. 16:59]

Það er bara staðreynd að hlutfallslega hefur mikið af þeim innflytjendum sem hingað hafa komið lent upp á kant við íslensk lög

Neei, þetta er alls ekki staðreynd. Það virðist sama hvernig tölurnar eru snúnar, staðreyndin er sú að hlutfallslega eru íslendingar meiri krimmar hérlendis en innfluttir. Tölurnar frá Lögreglunni sýna það. Það er aftur á móti fréttaflutningur sem að er þannig litaður að það mætti halda að það væru einungis erlendir glæponar á Íslandi. Spurningin er þá hvort að fréttaflutningur á Íslandi sé ekki eitthvað brenglaður?

Hitt er annað mál að það þarf auðvitað að gera eitthvað í glæpum á Íslandi almennt, hvort sem um er að ræða íslenska glæpona eða erlenda.

[Sigurlaug Anna Jóhannsdóttir, 25.3.2008 kl. 18:57]

Ég nenni ekki alveg að rökræða þetta mjög mikið en hvert mannsbarn sér að það eru margir útlendingar sem komast í kast við lögin í hverjum mánuði á Íslandi og það eykst bara frekar en hitt.  Það eru ekki búnar til fréttir á fréttastofunum.