Merkilegt fyrirbæri

Skoðanir mínar á fermingum eru varla prenthæfar og ætla ég því að láta þær liggja milli hluta.  Það vita allir á heimilinu skoðun mína en hún breytir víst engu.  Eldri dóttirin er að fara að fermast en það hefur hún sjálf ákveðið að gera og það virði ég.  Við erum öll í þjóðkirkjunni en ég hef verið á leiðinni að skrá mig úr henni í í á annað ár núna en læt aldrei verða af því.  Ég trúi ekki á guð....  Maðurinn minn trúir á guð og eldri dóttirin, þessi sem er að fermast, er ekki alveg viss.  Hún vill amk ekki taka ákvörðun um að hann sé ekki til alveg strax þó hún efist mjög.  Yngri dóttirin er ekki nógu gömul til að þurfa að ákveða sig strax.

Fermingarbarnið er ákaflega upptekið, hún er tímunum saman í viku í leiklist í skólanum, æfir á gítar og líka freestyle.  Svo eru það vinirnir og skólinn.

Þetta þýðir það að ég er ein að fermast.......  það þarf að panta allskonar hluti og ákveða allskonar hluti og kaupa alls konar hluti og ég sit sveitt við síman og hleyp um allann bæ til að sækja prufur af þessu og hinu og græja alla mögulega hluti.  Þegar heim er komið er afraksturinn borinn undir fermingarbarnið sem stúderar allt vandlega og er svo ekkert feimin við að segja æ nei ég fíla þetta ekkert.....  Þá má ég gjöra svo vel að fara í annann leiðangur..... 

Pabbinn er sendur í eina og eina sendiferð og er spurður álits af og til.  Hann er ekkert mikið að stressa sig á því hvort kertin eru svona eða hinsegin eða dúkarnir eða blómin..... 

En einu hefur hann sérstakan áhuga á og það er það að hafa kransaköku í fermingunni  Það finnst fermingarbarninu ekki gott og heldur ekki mömmunni.... en í þessu er hann alveg ákveðin og verður ekki haggað.  Svo alvarlega tekur hann þetta að hann fór á kransakökunámskeið í Blómavali á mánudagskvöldið og bakaði sína eigin kransaköku...... fermingarbarninu var að sjálfsögðu dröslað með við gríðarlegan fögnuð   Mamman og fermingarbarnið eru hins vegar búnar að panta sér sína fermingartertu í Mosfellsbakaríi og eru hæst ánægðar með sig

 

 

Fermingarvefur á mbl.is

Athugasemdir

[Anna Benkovic Mikaelsdóttir, 29.2.2008 kl. 11:28]

Ég skil ekki þennan vef?...Þetta eru bara ríkiskirkjubörn, ekki kaþólsk eða í öðrum söfnuðum?

Endilega láttu verða af því að skrá þig úr þessu apparati, ég er löngu búin og það hefur gert mér gott

[Edda (IP-tala skráð) 5.3.2008 kl. 22:48]

Mikið ósköp kannast ég vel við þetta! Sem betur fer hefur frumburðurinn minn frekar einfaldan smekk svo þetta varð ekki svo flókið í fyrra. Reyndar er ég líka frekar veisluglöð kona svo ég hafði nú bara nett gaman af þessu. Jóhanna sem að öllu jöfnu er mjög upptekin hafði líka mikin áhuga á undirbúningnum enda samviskusöm fram úr góðu hófi . Ég er þó reyndar alveg viss um að ég mun hafa meira gaman af þessu næst eða eftir 5 ár þegar ég verð ekki líka með nýfætt barn á öxlinni í öllum þessum undirbúningi. Þegar uppi er staðið eigið þið eftir að eiga frábæran og eftirminnilegan dag með þeim sem standa ykkur næst.

Annars er mig farið að hlakka til að hitta ykkur á Akureyri í apríl og skála við ykkur á laugardagskvöldinu