fara hvergi

Það voru alvöru rök í málflutningi þeirra sem voru fygjandi stækkun álversins fyrir rúmu ári síðan að ef álverið fengi ekki leyfi til að stækka næstum því þrefalt þá myndi það pakka saman og fara.  Hætta rekstri og loka öllu apparatinu. 

Þetta er til marks um það hvað málflutningur fólks í hita leiksins getur orðið örvæntingafullur og órökréttur.

 Belja sem mjólkar tekjur fyrir milljarða á ári er ekki felld, svo einfalt er það.

Álversrekstur tryggður til 2037

Athugasemdir

[Árni Gunnarsson, 8.8.2008 kl. 16:07]

Rétt hjá þér frú Sigurlaug.

Þjóðarstolt okkar Íslendinga mun verða Rio Tinto-Alcoa nytsöm belja.

[Gunnar Th. Gunnarsson, 8.8.2008 kl. 16:44]

Það var ekki fólkið sem sagði þetta heldur sögðu forsvarsmenn álversins að þett gæti orðið niðurstaðan. Það var að sjálfsögðu frekar ótrúverðugt.

[Sigurlaug Anna Jóhannsdóttir, 8.8.2008 kl. 17:03]

sælir,

hér er ég ekki að fjalla um persónulega skoðun mína á álverum! Það má vera að raforkan sem notuð er í Straumsvík komi frá stað sem kallast mætti "þjóðarstolt".

Sagan um lokun álversins, fengist ekki stækkun kom held ég aldrei frá forsvarsmönnum álversins eins og kemur fram í þessari frétt á mbl.is

http://www.mbl.is/mm/frettir/innlent/2006/03/06/minni_alverum_lokad_i_framtidinni_verdi_thau_ekki_e/

[Gunnar Th. Gunnarsson, 8.8.2008 kl. 17:16]

Rannveig Rist sagði þetta í einhverju viðtali, að staða fyrirtækisins hér á landi yrði skoðuð í ljósi kosningarinnar í Hafnarfirði. Það mátti lesa það úr orðum hennar að hugsanlega færi álverið ef ekki fengist stækkun og þá helst til Þorlákshafnar eða á Vatnsleysuströnd. Of dýrt yrði að endurnýja gamla álverið í Straumsvík.

[Jón Gestur Guðmundsson, 8.8.2008 kl. 20:01]

Stjórn Alcan var ekkert að ljúga um það að ef stækkunin gengi ekki eftir gæti verið að Yfirstjórn Alcans myndi hreinlega loka álverinu. Við vorum búnir að sjá það bæði í evrópu og annars staðar að það var verið að loka álverum að svipaðri stærð og álverið í straumsvík.

Þessar hugmyndir um að auka framleiðsluna í núverandi kerskálum kom ekki upp fyrr en eftir kosningarnar, þar vissu menn ekki hvort þessi leið væri framkvæmanleg.

Og aðeins til að leiðrétta Árna það er Rio Tinto Alcan ekki Alcoa sem á álverið í straumsvík.