Af hverju?

Það hefði mátt vinna þessa frétt lengra.

Það alversta og vitlausasta í núverandi ástandi er að draga saman framkvæmdir.

Þetta hefur gríðarlega keðjuverkandi áhrif út í samfélagið.  Ég myndi vilja vita af hverju framkvæmdum er frestað þrátt fyrir trausta fjárhagsstöðu og miklu meiri umfjöllun um áhrif "ástandsins" á sveitarfélögin.

Skólabyggingum frestað í Garðabæ

Athugasemdir

[Villi Asgeirsson, 10.11.2008 kl. 09:00]

Furðulegt mál.

[Haukur (IP-tala skráð) 10.11.2008 kl. 10:54]

Getur verið að fáir hafi flutt í hverfin og því engin forsenda fyrir þessum skólum að svo komnu máli? Ef menn á annað borð aðhyllast auknar framkvæmdir ríkisvaldsins í kreppu, þá væri peningunum væntanlega skynsamlegar varið í eitthvað annað en að byggja verðandi tóma skóla.

[Villi Asgeirsson, 10.11.2008 kl. 10:58]

Kannski það, en það hefði þá mátt fylgja fréttinni.

[Perla Leifsdóttir (IP-tala skráð) 10.11.2008 kl. 11:28]

Jaa 100 barna leikskóli í hálftómu hverfi (Akrahverfi) er nú bara ekkert svo skynsamlegt. Sérstaklega ekki þegar nægt pláss er í öðrum leikskólum bæjarins. Og þar sem maður gerir ráð fyrir að eitthvað hægist á uppbyggingu í Urriðaholti er það svo sem heldur ekkert skrýtin ákvörðun. Samt fegin að þeir ætla að halda áfram með Sjálandsskóla því að það er mjög mikil þörf fyrir það.

Alveg sammála þér með að ekki megi hætta við allar framkvæmdir en það má nú samt alveg forgangsraða og sýna skynsemi :)

Bestu kveðjur - Perla

[Sigurlaug Anna Jóhannsdóttir, 11.11.2008 kl. 11:14]

jú líklega eru breyttar forsendur vegna bygginga skóla- og leikskólahúsnæðis í hverfum þar sem verið er að skila inn lóðum.  Það hefði mátt koma fram í fréttinni.  Best væri þó ef framkvæmdir myndu færast milli málaflokka en ekki frestast.  Ef það liggur ekki mest á þessu þá mætti skoða að fara í eitthvað annað á meðan.  Það þarf að örva atvinnulífið og spýta í framkvæmdir frekar en að fresta þeim. 

Ef þetta er Perla gamla skólasystir mín er henni sérstaklega fagnað hér